काठमाडौं– प्रधानन्यायाधीश चोलेन्द्र शम्शेर जबराविरुद्ध नेपाल बार एसोसिएसनको आन्दोलन आज पनि जारी छ ।
आज पनि कानून व्यवसायीहरुले अदालत गेट र परिसरमा धर्ना सहित विरोध जारी राखेका छन् । यसअघि आन्दोलनरत नेपाल बार एशोसिएन र सर्वोच्च बार एशोसिएनलाई वार्तामा आउन प्रधानन्यायाधीशले आह्वान गर्नुभएको थियो ।
नेपाल बारले भने न्यायापालिका सुधारका लागि प्रधानन्यायधीशको राजीनामा पहिलो शर्त भएको र त्यसअघि कुनै संवाद नगर्ने अडान राखेको छ ।
